• Арнайы нұсқа
  • Мобильді нұсқа

You are here

Жаңалықтар

29.10.2019 г.
Даленов: К 2025 году больше всего рабочих мест появится в сферах туризма, транспорта и торговли

Дәленов: 2025 жылға қарай, ең көп жұмыс орны туризм, көлік және сауда саласында пайда болады

«Бүгінде еңбек нарығы көптеген өзгеріске ұшырауда. Халықаралық сарапшылардың дерегіне сәйкес, әлемдік еңбек нарығына мынадай трендтер әсер етпек:

-АКТ цифрландыру мен дамыту;

-Жұмыс орнының күрделендірілуі;

-Жұмыспен қамтудың иекмді түрлерін енгізу;

-Демографиялық өзгерістер», – деп санамалап өтті бүгін Ұлттық экономика министрі Руслан Дәленов Үкімет отырысында «Еңбек» нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған мемлекеттік бағдарламасын іске асыру барысы туралы баяндай келіп.Министрдің айтуынша, еңбек нарығы мынадай факторлардың әсерімен өзгереді:

Жылына 5% деңгейіндегі және одан да жоғары ЖІӨ жаңа сапалы өсуіне көшу.

Экономиканың басым салаларындағы сапалы жұмыс орындарына сұранысты арттыратын бірнеше инвестициялық жобаны іске асыру.

ЖІӨ-нің 35%-іне дейін өсетін шағын және орта бизнестің үлесін арттыру.

Еңбек нарығының икемділігін ұлғайту. Бұл – макроэкономикалық және басқа да еліміздегі және әлемдегі өзгерістерге икемділік.

Дәленов 2025 жылға дейінгі 41,6 трлн.теңгенің инвестициялық жобалар пулы бүгіннің өзінде құрылғанын хабарлады. «Бұл пулды басшылыққа алсақ, 2025 жылға дейінгі жаңа дайындалған кадрларға сұраныс 1,3 млн. адам деңгейінде бағаланады», - деді министр.

Көп жұмыс орны туризм, көлік, АӨК, сауда және АКТ салаларында жоспалануда. Бұл көптеген білікті кадр дайындауды талап етеді.

Тұтастай алғанда, Ұлттық экономика министрлігінің деректері бойынша, 2019-2025 жылғы кезеңде 2,6 млн. жаңа жұмыс орны құрылады. Оның жартысы 41,6 трлн. теңгенің жаңа инвестициялық жобаларын іске асыру есебінен пайда болады. 2,6 млн. жаңа жұмыс орнындағы 600 мың адам таза жұмыс күшінің өсуімен, 2 млн.-ы экономика салаларындағы жұмыс күшінің ағылуымен қамтамасыз етіледі.

«Жұмыспен қамтылған халықтың саны 2018 жылы 8,7 млн. адамнан 2025 жылға қарай 9,3 млн. адамға артады. Онымен бір уақытта еңбек нарығы құрылымында сапалы өзгерістер орын алады. Мәселен, өзін-өзі жұмыспен қамтитын адамдардың үлесі 7,5%-ке азайып,  АӨК, ОЭК және өңдеу өнеркәсібіндегі ірі инвестициялық жобаларды іске асыру есебінен экономиканың нақты салаларындағы жұмыспен қамтылғандар үлесі 3% -ке өседі. Туризм мен көрсетілетін қызметтер саласының үлесі 2%-ке артады», - деді ҰЭМ басшысы. 


Читайте также:

Біздің жаңалықтарымызға жазылғыңыз келе ме?